Իրանը պատրաստվում է գազատար կառուցել դեպի Եվրոպա՝ այդ էներգակիրն արտահանելու համար։ Այս մասին հայտարարել է Թուրքիայի էներգետիկայի և բնական պաշարների նախարար Թաներ Յըլդըզը։ Հաղորդում է Hurriyet Daily News-ը։
«Գիտենք, որ Իրանը պատրաստվում է դեպի Եվրոպա գազամուղ կառուցել։ Եվրոպական 5 երկրներ արդեն նախատեսել են իրանական գազի ներմուծում», — ասել է նախարարը։ Նրա խոսքերով՝ իրանա-թուրքական հարաբերությունները միայն բարելավվելու են Իրանի արտաքին քաղաքականության փոփոխությունից հետո։
Հիշեցնենք, որ նոյեմբերի 24-ին Իրանն ու «Վեցյակը» ստորագրել են Իրանի միջուկային ծրագրի վերաբերյալ համաձայնագրեր, ինչը նախատեսում է նաև պատժամիջոցների թուլացում։
