Իրանի իշխանությունները հերքել են Իսրայելի այն պնդումները, որով իրանական կողմը մեղադրվում է ծովային ճանապարհով Գազայի հատվածում գործող պաղեստինցի գրոհայիններին զենք մատակարարելու մեջ: Իրանի փոխարտգործնախարարի հայտարարության մեջ ասվում է, որ այդ մեղադրանքերն անհիմն են:
Տեղեկացնենք, որ երեկ Իսրայելի վարչապետը հայտարարել է, որ Կարմիր ծովում իսրայելցի սահմանապահները ձերբակալել են նավ, որի մեջ եղել են սիրիական արտադրության հրթիռներ, որոնք նախագծվել են Իրանում: Իսրայելի իշխանությունները պնդում են, որ այս ամենի հետևում կանգնած են Իրանի հատուկ ծառայություները:
Գազայում գործող ՀԱՄԱՍ խմբավորման ներկայացուցիչները նույնպես հերքում են, որ դրանք նախատեսված էին իրենց համար: Նրանք պնդում են, որ սա իսրայելական կողմի հերթական բեմականացումն է, քանի որ առանց իսրայելական սահմանապահների ստուգման՝ պաղեստինները չեն կարող ստանալ որևէ ապրանք:
