Իրանի նախագահ Հասան Ռուհանին հայտարարել է, որ բարեհաջող տիեզերք է դուրս բերվել արբանյակ, որում կապիկ է եղել։ Սա երկրորդ դեպքն է, երբ իրանցի գիտնականները տիեզերք կապիկ են ուղարկում։ Այս մասին հաղորդում է Associated Press գործակալությունը։
Նախագահի մամուլի ծառայությունը հաղորդել է, որ Ֆարղամ անունով կապիկը տիեզերք է դուրս բերվել «Փաջոնեշ» հրթիռով, որի ժամանակ օգտագործվել է հեղուկ վառելիք։ Չի նշվում, թե երբ է դա տեղի ունեցել։
Առաջին անգամ Իրանը նման գործողություն կատարել էր 2013 թվականի հունվարին։
