Իսրայելի խորհրդարանը ձեռնամուխ է եղել երկրի նախագահի ընտրության գործընթացին, որի ընթացքում կընտրվի Նոբելյան մրցանակակիր Շիմոն Պերեսին փոխարինողը: Գործող նախագահի լիազորությունների 7-ամյա ժամկետն ավարտվում է այս տարի:
Երկրի ղեկավարի պաշտոնին հավակնում են 5 հոգի, ովքեր կարողացել են իրենց օգտին հավաքել 10-ական խորհրդարանականների ստորագրություններ: Տեղի ԶԼՄ-ները ֆավորիտ են համարում թեկնածուների մեջ աջ ճամբարի միակ ներկայացուցչին՝ Քնեսեթի նախկին խոսնակ 74- ամյա Ռեուվեն Ռիվլինին, ով պատկանում է իշխող «Լիքուտ» կուսասկցությանը:
Հաղթանակի համար թեկնածուներին անհրաժեշտ է ստանալ 120 խորհրդարանականներից 61-ի վստահության քվեն:
Իսրայելի նախագահն օժտված է միայն ներկայացուցչական գործառույթներով: Երկրում իրական իշխանությունը կենտրոնացած է վարչապետի ձեռքում:
