Իսրայելի առողջապահության նախարար Յակով Լիցմանի և նրա կնոջ մոտ կորոնավիրուս է հայտնաբերվել։ Պաշտոնյան կնոջ հետ գտնվում է մեկուսացման մեջ՝ հսկողության ներքո։ Haaretz-ի տեղեկությունը փոխանցում է Shantnews.am-ը:
Աղբյուրը գրում է, որ նրանք իրենց լավ են զգում։
Նախարարն աշխատում է սովորական աշխատանքային գրաֆիկով՝ տնից։
Նախարարի հետ վերջին 2 շաբաթներին շփում ունեցած անձինք կգտնվեն տնային կարանտինում։ Խոսքը վերաբերում է նաև հետախուզական ծառայության՝ «Մոսադի» ղեկավարին։
Մինչ օրս Իսրայելում կորոնավիրուսով է վարակվել 6,092 մարդ, գրանցվել է մահվան 26 դեպք։
