Իսպանիայի վարչապետ Պեդրո Սանչեսը 4.25 մլրդ եվրոյի ծրագիր է մշակել կորոնավիրուսից տուժած զբոսաշրջային ոլորտին զարկ տալու համար, հաղորդում է BBC-ն։
Իսպանիայի վարչապետը չի բացահայտել ծրագրի մանրամասները, սակայն հայտնել է, որ գումարը կուղղվի մի քանի միջոցառումների, այդ թվում՝ մարքեթինգին և գովազդին, ավիաընկերությունների համար հարկերի նվազեցմանը, զբոսաշրջային հետախուզությունը՝ դիտարկման նոր համակարգի ստեղծմամբ։
Զբոսաշրջությունը չափազանց կարևոր ոլորտ է Իսպանիայի տնտեսության համար։ Այս ոլորտին է բաժին ընկնում երկրի ՀՆԱ-ի 12%-ը։ Այցելուների քանակն ավելացնելու համար հուլիսի 1-ից Իսպանիայի կառավարությունն օտարերկրացիներին թույլ կտա մուտք գործել երկիր՝ առանց երկշաբաթյա կարանտին պահելու։
