Իսլամական հեղափոխության պահապանների կորպուսի հրամանատար գեներալ Մոհամադ Ալի Ջաֆարին հայտարարել է, որ երկրի նախագահ Հասան Ռուհանին չպետք է հեռախոսազրույց ունենար ԱՄՆ նախագահ Բարաք Օբամայի հետ: Այս մասին հաղորդում է France Presse գործակալությունը:
«Նախագահն իր որոշումն է ընդունել: Սակայն նա պետք է հրաժարվեր Օբամայի հետ հեռախոսազրույցից, քանի որ ինքը հրաժարվել էր նրա հետ հանդիպումից», — ասել է Ջաֆարին:
Հիշեցնենք, որ ուրբաթ օրը ԱՄՆ և Իրանի նախագահները հեռախոսազրույց են ունեցել, ինչը նմանօրինակ առաջին զրույցն էր վերջին 34 տարիների ընթացքում:
