Քրեական ոստիկանության միջազգային կազմակերպությունը դիմել է համաշխարհային հանրությանը՝ ամենավտանգավոր 15 հանցագործներին հայտնաբերելու խնդրանքով: Այս մասին ասվում է կազմակերպության պաշտոնական կայքում:
Սկսվել է Infra միջազգային օպերացիան, որի ընթացքում կիրականացվի մոտ 266 հանցագործների լայնածավալ որոնում: Այս օպերացիային մասնակցում է 46 երկիր: Բոլոր 266 որոնվողները մեղադրվում են թմրաբզինեսում ներգրավվածության և սպանությունների մեջ: Նրանց թվում է Ռաֆայել Կարո Կինտերոն, ով մեքսիկական հայտնի «Գվադալահարայի կարտելի» պարագուխն է:
