Թուրքիայի նախագահ Ռեջեփ Էրդողանն այսօր կհանդիպի իր ռուսաստանցի պաշտոնակից Վլադիմիր Պուտինի հետ` քննարկելու զարգացումները Սիրիայի հյուսիսում։
Վաշինգտոնի միջնորդությամբ հաստատված հնգօրյա զինադադարն ավարտվում է այսօր։ Անկարան Սիրիայի տարածքում ռազմական գործողությունների արդյունքում փորձում է ստեղծել 120-կիլոմետրանոց «անվտանգության գոտի», որտեղ ակնկալում է բնակեցնել Թուրքիայում ապաստան գտած 2 միլիոն սիրիացի փախստականներին։
Ինչպես հայտնում է azatutyun.am—ը, Կրեմլի կայքում նշվում է, որ հանդիպումը տեղի է ունենալու Սոչիում։
