Կառավարության նիստի ընթացքում ՀՀ փոխվարչապետ Տիգրան Ավինյանը դիմեց ՀՀ վարչապետ Նիկոլ Փաշինյանին՝ հարցնելով. «Ryanair-ը պաշտոնապես հայտարարեց, որ 2020-ի հունվարից մտնում է հայկական ավիափոխադրումների շուկա և կանոնավոր թռիչքներ կիրականացնի Հռոմից Երևան, Միլանից Երևան, իսկ ամռանից՝ նաև Բեռլինից Երևան: Ինձ զարմացրեց այն փաստը, որ երեկվանից արդեն վաճառքի տոմսեր կային: Հիմա՝ Երևանից Հռոմ և Միլան 30-ից 56 եվրոյով կարելի է ինքնաթիռի տոմս գնե՞լ, այո՞»:
«Հենց նոր նայում էի Հռոմ-Երևան տոմսերի գները՝ 2020-ի հունվարի 28-ի համար, 35.88 եվրո է մի ուղղությամբ ու հետադարձը նույն գինն է»,- ի պատասխան Ավինյանին՝ արձագանքեց Նիկոլ Փաշինյանը:
Իր հերթին, Փաշինյանը հարցրեց. «Ինչքան հասկացա՝ այդ ինքնաթիռներում սնունդ չի տրվում ու շատ ուղեբեռ հնարավոր չի՞ վերցնել»: Ավինյանը պատասխանեց, որ այդ և այլ ծառայությունների համար հավելյալ վճարումներ կատարելու դեպքում հնարավոր է:
