ՌԴ ՊԱԿ-ի թիվ 71 կլինիկական հիվանդանոցի գլխավոր բժիշկ և հեռուստահաղորդավար Ալեքսանդր Մյասնիկովը պատմել է վիրուսային ինֆեկցիաներից պաշտպանվելու լավագույն միջոցների մասին, որոնք չեն պահանջում դեղամիջոցներ:
Հեռուստատեսային բժիշկը բացատրել է, որ վիրուսային ինֆեկցիաները մեծ վտանգ են ներկայացնում մարդու համար, ինչպես նաև «մատուցում են շատ այլ անակնկալներ»: Դրա օրինակն է COVID-19 կորոնավիրուսի բռնկումը: Նշանակում է, որ մարդիկ պետք է հոգ տանեն վիրուսների դեմ ինքնապաշտպանության մասին:
Պաշտպանության հիմնական մեթոդը պետք է լինի իմունիտետի ամրապնդումը, ինչը մարդիկ սովորաբար չեն անում:
Օրգանիզմը վիրուսով վարակվելու ավելի մեծ վտանգի տակ կլինի, եթե մարդն օգտագործում
է ալկոհոլ, ծխում է, վարում է նստակյաց և ոչ սպորտային ապրելակերպ և ունի քրոնիկ
հիվանդություններ:
«Հասկանալի է, թե ինչն է ամրապնդում իմունիտետը` առողջ ապրելակերպը: Վիրուսը հատկապես վտանգավոր է տարեցների, քրոնիկ հիվանդների, վատ սովորություններով մարդկանց համար: Բնակչության այն հատվածը, որը երիտասարդ տարիքից ուշադրություն չի դարձնում իր առողջությանը, ընկնում է ամենաբարձր ռիսկի խմբի մեջ»,- նշում է բժիշկը:
Իմունային համակարգն ամրապնդելու համար չափազանց կարևոր է ակտիվ և առողջ
ապրելակերպ վարելը, ոչ պակաս կարևոր են պատվաստումները, քանի որ դրանք մարմինը
պաշտպանելու ամենաարդյունավետ միջոցն են:
«Վիրուսային ինֆեկցիաները հնարավոր չէ բուժել, սակայն դրանք հնարավոր է կանխարգելել: Ես չեմ վախենում, որովհետև պատվաստվում եմ, զբաղվում եմ սպորտով, սուզվում եմ սառցապատ ջրավազանի մեջ և կոփվում եմ: Ու ես չեմ հավատում, թե մրսածությունը կարող է ինձ տապալել»,- ասել է Մյասնիկովը «Ամենագլխավորի մասին» ծրագրում:
Like this:
Like Loading...
