Եվրոպական ուսումնասիրությունների կենտրոնի ղեկավար Արթուր Ղազինյանը facebook-ում գրել է.
ՌԴ դեսպանը խոստովանեց, որ ՀՀ Մաքսային միությանը միանալու պարագայում կորցնում է իր ինքնիշխանության մի մասը, ինչը իր իսկ գնահատմամբ, սարսափելի չէ և չունի քրեական բնույթ:
Իրենց համար Սահմանադրությունն ու օրենսդրությունը սահմանափակվում են միայն քրեական իրավունքի շրջանակներում, այլ իրավունք, մասնավորապես Սահմանադրական, կարևոր չէ: Մինչդեռ ՀՀ Սահմանադրությունը չի նախատեսում ինքնիշխանության սահմանափակման որևէ հնարավորություն և Մաքսային միությանը միանալու համար անհրաժեշտ է փոխել Սահմանադրությունը, ներառել ինքնիշխանության սահմանափակման համար կոնկրետ ընթացակարգ, և նոր միայն` կիրառելով այդ ընթացակարգը, կազմակերպել անդամակցության գործընթացը:
Քանի դեռ նշված փոփոխությունները ՀՀ Սահմանադրության մեջ կատարված չեն, Հայաստանը ՉԻ ԿԱՐՈՂ ՎԱՎԵՐԱՑՆԵԼ մաքսային միությանը միանալու մասին պայմանագիրը:
