Զկրտալը կրծքավանդակի և որովայնի խոռոչի միջև գտնվող մկանային միջնորմի՝ ստոծանու (դիաֆրագմա) սուր կծկումն է: Դրա մեջ հատուկ անցք կա, որի միջով անցնում են թափառող նյարդն ու կերակրափողը: Այդ անցքը հաճախ ուտելիքի կտորների և մարմնի ոչ ճիշտ դիրքի պատճառով նեղանում է: Իսկ թափառող նյարդը սեղմել չի կարելի, քանի որ այն ներքին օրգաններին կարևոր ազդանշաններ է փոխանցում: Ուստի օրգանիզմը ստիպում է դիաֆրագմային կտրուկ կծկվել՝ նյարդի վրայից «բեռը» թոթափելու համար:
Զկրտալուց ազատվելու համար կարելի է ուղղվել, ձգվել, խոր շունչ քաշել և շունչը պահել: Այսկերպ մենք դիաֆրագմային վերադարձնում ենք նյարդի համար հարմար դիրք:
