Ինչու են կոտրել WhatsApp-ը

WhatsApp-ի կողմից անցկացվող հետաքննությանը ծանոթ աղբյուրները հայտնել են, որ զոհերի զգալի մասը «կառավարության եւ զինվորականների բարձրաստիճան ներկայացուցիչներ են, որոնք ցրված են հինգ մայրցամաքների առնվազն 20 երկրներում», հայտնում է News.am-ը։

WhatsApp-ի օգտագործմամբ այս կիբեռներխուժումը կարող է քաղաքական եւ դիվանագիտական մեծ հետեւանքներ ունենալ։

WhatsApp-ը հայց է ներկայացրել իսրայելական NSO Group ընկերության դեմ։ WhatsApp-ը պնդում է, որ NSO Group-ը ստեղծել եւ վաճառել է հաքերային հարթակ, որը օգտագործել է WhatsApp-ի թերությունները, որպեսզի օգնի հաճախորդներին կոտրել առնվազն 1400 օգտատերերի բջջային հեռախոսները։

Թեեւ հայտնի չէ, թե ով է օգտագործել պաշտոնատար անձանց հեռախոսները կոտրելու ծրագրային ապահովումը, NSO Group-ը հայտարարում է, որ իր լրտեսական ծրագրերը վաճառում է բացառապես պետական պատվիրատուներին։