Շաբաթներ առաջ ԱԱԾ նախկին տնօրեն Արթուր Վանեցյանը հայտարարել էր՝ վարչապետ Նիկոլ Փաշինյանի գլխավորությամբ իր պաշտոնավարման ժամանակ հանդիպել է Սերժ Սարգսյանի փեսա, Վատիկանում Սուրբ աթոռի դեսպան Միքայել Մինասյանի հետ:
ԱԱԾ տնօրենը նաև ասել էր, որ իշխանությունը չի թաքցնում եւ չի թաքցրել ՍԴ նախագահ Հրայր Թովմասյանի հանդեպ իր վատ վերաբերմունքը:
«…Իշխանությունները չեն թաքցնում, որ իրենք չեն հանդուրժելու Հրայր Թովմասյանի՝
Սահմանադրական դատարանի նախագահ լինելու հանգամանքը…»,- ասել է Վանեցյանը:
Araratnews.am-ը գրավոր հարցեր էր ուղարկել ՀՀ վարչապետ Նիկոլ Փաշինյանին՝ իմանալու, թե ճի՞շտ են Արթուր Վանեցյանի հայտարարությունները: Կառավարության պատասխանում գրված է. «…Ձեր կողմից հիշատակված անձի հայտարարությունները չենք մեկնաբանում»:
Սոնա Դավթյան
