Ինձ համար անընդունելի է ցանկացած հարձակում՝ ցանկացած լրատվամիջոցի նկատմամբ։ Այս մասին ԱԺ ճեպազրույցների ժամանակ հայտարարեց «Իմ քայլը» խմբակցության պատգամավոր Վլադիմիր Վարդանյանն՝ անդրադառնալով «Հայելի» ակումբի վրա հարձակման դեպքին։
«Վերջին շրջանում Hayeli.am կայքն ամենաշատ ոչ դրական անդրադարձները կատարել է իմ նկատմամբ, բայց, այդուհանդերձ, ես ասում եմ, որ եթե չունենանք ազատ մամուլ, ապա Հայաստանում ժողովրդավարությունը կարող է վտանգվել»,- ասաց նա՝ դատապարտելով ցանկացած ԶԼՄ-ի վրա հարձակում:
