Ինդոնեզիայում կինը մահացել է աշխատանքի վայրում գերծանրաբեռնվածությունից՝ 30 ժամ անընդմեջ աշխատելուց հետո, հաղորդում է Russia Today-ը՝ հղում անելով The Independent-ին:
Ինտոնեզիայի 24-ամյա բնակչուհի Միտա Դյուրանը աշխատում էր Young&Rubicam գովազդային ընկերությունում: Նա հաճախ սոցիալական ցանցերում գրառումներ էր կատարում այն մասին, որ վերջին ամիսներին գերծանրաբեռնված է աշխատանքով և «ոտքի վրա է մնում» միայն էներգետիկ ըմպելիքների շնորհոիվ:
Twitter-ի իր միկրոբլոգում կատարած Գյուրանի վերջին գրառումն ասում էր՝ «արդեն 30 ժամ աշխատել եմ և դեռ շարունակում եմ»: Դրանից քիչ անց աղջիկը կորցրել է գիտակցությունը: Բժիշկները հայտնել էին, որ նա կոմայի մեջ է, որից հետո Դյուրանը մահացել էր:
