Ֆրանսիական «Մոնակոյում» հանդես եկող կոլումբիացի հարձակվող Ռադամել Ֆալկաոն հայտարարել է, որ ձմեռային տրանսֆերային պատուհանի ժամանակ մտադիր չէ փոխել ակումբը : Այս մասին հաղորդում է L’Eqiupe-ը:
«Մտադիր չեմ ձմռանն այլ ակումբ տեղափովել: Ես հարգում եմ «Մոնակոն» և երջանիկ եմ, որ գտնվում եմ այստեղ: Այստեղ մեր ծրագրերն իրականություն են դառնում:
«Մոնակոյի» ֆուտբոլիստ դառնալու իմ որոշումը շատերին է զարմացրել, իսկ ոմանց` նաև նյարդայնացրել: Ոչ ոք չգիտի, թե ինչ տեղի կունենա ապագայում: Սակայն հիմա դեռ վաղ է խոսել Իսպանիա վերադառնալու կամ այլ առաջնութուն տեղափոխվելու մասին: Ես հինգ տարվա գործող պայմանագիր ունեմ «Մոնակոյի» հետ», — ասել է Ֆալկաոն:
