«Բարսելոնայի» հարձակվող Անսումանե Ֆատին կիսվել է իր հույզերով Չեմպիոնների լիգայի խմբային փուլի 6-րդ տուրի «Ինտերի» հետ խաղից հետո: Խաղավարտին մոտ Ֆատիի գոլը իր թիմին բերեց հաղթանակ (2:1), իսկ 17-ամյա խաղացողն ինքն էլ դարձավ մրցաշարի պատմության ամենաերիտասարդ գոլի հեղինակը:
«Ինձ պարզապես պատմեցին ռեկորդիմասին: Ես շատ ուրախ եմ այս գոլի համար, նաև ուրախ եմ թիմի համար, որ մենք հաղթեցինք: Այս մասին գրում է armsport.am-ը։
Ես շատ ուրախ եմ: Իմ երազանքը իրականացավ: Ես անընդհատ խոսում եմ այդ մասին, ամեն ինչ տեղի է ունենում այդքան արագ: Ես պետք է շարունակեմ աշխատել և սովորել լավագույններից: Ես շատ շնորհակալ եմ իմ ունեցած յուրաքանչյուր հնարավորության համար»,- ասել է Ֆատին:
