ԵՄ հետ Հայաստանի Ասոցացման համաձայնագրի (ներառյալ Խոր և համապարփակ ազատ առևտրի համաձայնագրի՝ DCFTA) տեքստն արդեն ամբողջությամբ համաձայնեցված էր, երբ Սերժ Սարգսյանը սեպտեմբերի 3-ին հայտարարեց, թե Հայաստանը մտնելու է Մաքսային միություն՝ ձախողելով Ասոցացման համաձայնագրի ստորագրումը:
ԵՄ հետ Հայաստանի Ասոցացման համաձայնագրի (ներառյալ Խոր և համապարփակ ազատ առևտրի համաձայնագրի՝ DCFTA) տեքստն արդեն ամբողջությամբ համաձայնեցված էր, երբ Սերժ Սարգսյանը սեպտեմբերի 3-ին հայտարարեց, թե Հայաստանը մտնելու է Մաքսային միություն՝ ձախողելով Ասոցացման համաձայնագրի ստորագրումը: Եվ եթե ասոցացման համաձայնագրի դեպքում պարզ էր, թե Հայաստանը կոնկրետ ինչ ֆինանսական օգուտներ կստանար, ապա Մաքսային միության դեպքում օգուտների հարցում հստակություն չկա: Ներկայացնենք օգուտները Ասոցացումից.
- Տարեկան մինչև 15% արտահանման աճ DCFTA-ի ուժի մեջ մտնելուց մի քանի տարի անց, ինչպես նաև ՀՆԱ 2.3% աճ: Դրամական արտահայտությամբ՝ խոսքը ազգային եկամտի տարեկան մոտ 146 մլն եվրո աճի մասին է: tradoc_151659
- Հայաստանում սպառողական ապրանքների գների նվազում, քանի որ ԵՄ-ից ներմուծվող բոլոր ապրանքների մաքսատուրքերը զրոյացվելու էին։ և աշխուժանալու էր առևտուրը:
- Ասոցացման համաձայնագրի նախաստորագրումից հետո Հայաստանի հարցով դոնորների հավաք էր հրավիրվելու http://www.azatutyun.am/content/article/24934296.html: Ոչ պաշտոնական տվյալներով՝ խոսքը առաջիկա տարիներին Հայաստանին 2-3 մլրդ եվրոյի դրամաշնորհներ տրամադրելու մասին էր: Բանն այն է, որ Ասոցացման համաձայնագիրը կատարելու համար Հայաստանին լուրջ ֆինանսական միջոցներ էին պետք (օրինակ՝ աղբավերամշակման գործարան կառուցելու համար), և այդ հարցում ԵՄ-ն օգնելու էր Հայաստանին:
- Ասոցացման համաձայնագրում, մեր տեղեկություններով, ձևակերպում կար Ատոմակայանի մասին: Ըստ այդմ՝ Հայաստանը պետք է դադարեցներ Մեծամորի ատոմակայանի շահագործումը մինչև 2020 թվականը՝ կառուցելով նոր ատոմակայան, կամ ավելացներ էներգիայի այլընտրանքային աղբյուրների հզորությունները: Այս հարցում ևս ԵՄ-ն օգնելու էր Հայաստանին: Պետք է նկատի ունենալ, որ 2020 թվականից հետո Մեծամորի ատոմակայանի շահագործումը խիստ վտանգավոր է Հայաստանի համար, և նրա փոխարինումը նոր ատոմակայանով չափազանց կարևոր է:
- Օտարերկյա ուղղակի ներդրումները Հայաստանում վերջին տարիներին շեշտակի անկում են ապրում: Ասոցացման համաձայնագրի կիրառումով կմեծանար Հայաստանի գրավչությունը անդրազգային ընկերությունների համար (քանի որ մեր ամբողջ օրենսդրական դաշտը համապատասխանեցվելու էր ԵՄ երկրների օրենսդրությանը), և կարագանար Orange-ի կամ HSBC-ի նման խոշոր անդրազգային ընկերությունների մուտքը Հայաստան՝ բոլոր դրական հետևանքներով հանդերձ:
Հայկ Մանուկյան
