Վրաստանի վարչապետ Իրակլի Ղարիբաշվիլին հայտարարել է, որ նախկին վարչապետ Զուրաբ Ժվանիայի մահվան գործում առաջընթաց կա։ Նա նշեн է, որ «դժբախտ պատահարի վարկածը գլխիվայր շուռ կգա»։ Այս մասին վարչապետն ասել է Ռուսթավի 2-ի եթերում։
«Քննությունն ընթանում է, կա առաջընթաց, նոր գլխավոր դատախազը լրջորեն զբաղվում է այս գործով, և շուտով, կարծում եմ, արդյունք կլինի»,- ասել է Ղարիբաշվիլին։ Միաժամանակ նա հրաժարվել է բացահայտել մանրամասները։
Հիշեցնենք, որ 2005 թվականի փետրվարի 3-ին Քվեմո նահանգի փոխնահանգապետ Ռաուլ Յուսուպովի և վարչապետ Զուրաբ Ժվանիայի դիակները հայտնաբերվել էին Թբիլիսիի բնակարաններից մեկում։ Քննության պաշտոնական վարկածով՝ ողբերգական մահվա պատճառ էր հանդիսացել դժբախտ պատահարը՝ մահացածները խեղդվել էին գազից։
