ՀՀ վարչապետ Նիկոլ Փաշինյանը կառավարության այսօրվա նիստում կարևորեց WCIT 2019-ի պատշաճ կազմակերպումը:
«Սա մեծամասշտաբ իրադարձություն է, 2000-ից ավելի հյուրեր ենք ունենալու, այդ թվում՝ պաշտոնական պատվիրակություններ: Սա կարևոր իրադարձություն է՝ Հայաստանը որպես տեխնոլոգիական երկիր աշխարհի քարտեզի վրա ևս մեկ անգամ ի ցույց դնելու»,- ասաց նա:
Փաշինյանը շեշտեց՝ միջոցառումը մեծամասշտաբ է, և համոզմունք հայտնեց, որ Ոստիկանությունը և ԱԱԾ-ն համապատասխան միջոցներ են ձեռնարկել, կառավարությունը, աշխատակազմը, նախարարությունները ևս պատրաստ են միջոցառումները բարձր մակարդակով իրականացնելու համար:
Փոխվարչապետ Տիգրան Ավինյանը տեղեկացրեց, որ Կոնգրեսի մեկնարկն ազդարարվելու է կիրակի օրը Հանրապետության հրապարակում կայանալիք համերգով:
Ի պատասխան՝ Փաշինյանն արձագանքեց.
«Ակնհայտ է դառնում, որ շարունակում ենք լինել համաշխարհային ուշադրության կենտրոնում, այնպես որ՝ ժպտացեք, որովհետև մեզ նկարահանում են»:
