Այս պահին Երեւանի տնտեսագիտական համալսարանի միջանցքում ուսանողները թույլ չեն տալիս, որպեսզի լրագրողները մուտք գործեն եւ լուսաբանեն Երեւանի քաղաքապետ Տարոն Մարգարյանի թեզի պաշտպանությունը:
Araratnews.am-ի թղթակիցը նշում է, որ նրանք հիմնականում ուսխորհրդի անդամ ուսանողներն են:
Լրագրողներին քիչ առաջ հանդիպել է նաեւ տնտեսագիտական համալսարանի ռեկտոր Կորյուն Աթոյանը, ով ասել է, որ լրագրողները կարող են Տարոն Մարգարյանի թեզի պաշտպանությանը ներկա գտնվել ու լսել, սակայն առանց տեսախցիկների: Ռեկտորի հեռանալուց հետո ուսանողները կրկին փակել են մուտքը եւ շարունակում են արգելել լրագրողներին աշխատել:
Իսկ հերթապահ ոստիկանները չեն միջամտում ու ոչ մի քայլ չեն ձեռնարկում, որ լրագրողների աշխատանքը չխոչընդոտվի:
Լրագրողները զանգահարել են նաեւ Մարդու իրավուքնների պաշտպանի գրասենյակ:
