Ռուսաստանը, Սիրիայի հարցով «Ժնև 2»-ի համաժողովի նախօրեին, մեծացրել է Բաշար Ալ-Ասադի ռեժիմին մատակարարվող զենքի խմբաքանակը։ Այս մասին հաղորդում է Reuters գործակալությունը։
Նույն աղբյուրի համաձայն՝ Ասադի ռեժիմի հաջողությունների ֆոնին՝ Ռուսաստանը սկսել է մատակարարել զրահապատ մեքենաներ, անօդաչու սարքեր, տարբեր սարքավորումներ, փամփուշտներ և հրթիռներ՝ ուղղաթիռների ու ինքնաթիռների համար։
Այս զենքը Ասադի ռեժիմն օգտագործում է ապստամբների դեմ սահմանամերձ շրջաններում։ Ռուսական կողմն այս տեղեկությունը չի մեկնաբանել։
