Ռուսաստանի ամենաանահավասարակշռված քաղաքական գործիչներից մեկը` Լիբերալ դեմոկրատական կուսակցության նախագահ Վլադիմիր Ժիրինովսկին կոչ է արել կրճատել ռուսական այբուբենը: Նա ցանկանում է դրանից հանել «ы» տառը, ինչի պատճառով, ըստ Ժիրինովսկու, ռուսներին չեն սիրում Եվրոպայում:
«Հեռացնել այդ գարշելի տառը, այն ասիական է, մեզ դրա համար չեն սիրում Եվրոպայում: Դա մոնղոլներից է մեզ մնացել, ոչ մի եվրոպական լեզվում «ы» տառ չկա», — ասել է Ժիրինովսկին: «Դա կենդանական հնչյուն է, «ի» տառը մեզ բավական է», — ասել է նա: Այս մասին հաղորդում է RIA-Novosti գործակալությունը:
Նա նաև հավելել է, որ «ы» տառը խնդիրներ է առաջացնում նաև երեխաների շրջանում:
