«ժամանակի» տեղեկություններով՝ Նիկոլ Փաշինյանն առաջիկա օրերին պատրաստվում է վերջնականապես հայտարարել իր քաղաքացիական պայմանագրի մեկնարկի մասին: Պայմանագրի նախագիծը շրջանառության մեջ էր դրվել ամիսներ առաջ, իսկ հիմա արդեն գործնական քայլեր են ձեռնարկվում եւ լուծվում կազմակերպչական որոշ հարցեր: Փաշինյանն այս օրերին ակտիվ հանդիպումներ է ունենում առանձին մարդկանց, հասարակական սեկտորի որոշ ակտիվ ներկայացուցիչների հետ, ովքեր եւս, ըստ տեղեկությունների, միանալու են քաղաքացիական պայմանագրին: Պայմանագրին է միանալու նաեւ Սասուն Միքայելյանը: Նշենք, որ քաղաքացիական պայմանագրին միանալու առաջնային պայմանը կուսակցական չլինելն է:
