ԱՄՆ նախագահ Դոնալդ Թրամփը շրջել է Սպիտակ տան շրջակայքում, դիտել Վաշինգտոնի կենտրոնում տեղի ունեցած անկարգությունների հետևանքով հրդեհներից տուժած շենքերը և եկեղեցին: Այս մասին հայտնում է The Guardian-ը։
Թրափը ձեռքին Աստվածաշունչ է պահել:
Երկրում աֆրոամերիկացի Ջորջ Ֆլոյդի մահից հետո սկսված անկարգությունների դեմ պայքարի մասին Սպիտակ տան Վարդագույն պարտեզում ելույթ ունենալուց հետո նա թիկնապահների և լրագրողների ուղեկցությամբ դուրս է եկել Լաֆայեթի պուրակ:
Հայտնի է, որ Թրամփի՝ պուրակ դուրս գալուց մեկ ժամ առաջ ոստիկանությունը լուսաձայնային նռնակների և արցունքաբեր գազի օգնությամբ ցրել է այնտեղ հավաքված ցուցարարներին։
