Թուրքիան Հայաստանից պահանջում է ազատել ադրբեջանական «օկուպացված» տարածքները։ Այս մասին երեկ թուրքական խորհրդարանի արտաքին հարաբերությունների հանձնաժողովում ասել է Թուրքիայի ԱԳ ղեկավար Ահմետ Դավուղթօղլուն։ Հաղորդում է Aksam օրաթերթը։
«Մեր պահանջը Լեռնային Ղարաբաղի ազատումն է։ Այս հարցում առաջընթաց ենք ակնկալում», — ասել է արտգործնախարարը՝ պատասխանելով Հայաստանի հետ սահմանը բացելու պատգամավորի հարցին։ Դավութօղլուն շեշտել է, որ հարաբերությունները կբարելավվեն ադրբեջանական տարածքներից հայկական զորամիավորումների դուրս բերումից հետո։
