Թուրքիան զենք չի մատակարարել սիրիացի ապստամբներին և թույլ չի տվել օգտագործել սեփական տարածքը՝ Սիրիա զենք արտահանելու համար։ Այս մասին հայտարարել է Թուրքիայի պաշտպանության նախարար Իսմեթ Յըլմազը։ Հաղորդում է Anadolu գործակալությունը։
Նրա խոսքերով՝ այն տեղեկությունը, համաձայն որի Անկարան մշտապես զենք է մատակարարում սիրիացի ապստամբներին, չի համապատասխանում իրականությանը։
Հիշեցնենք, որ Սիրիայի իշխանությունները Թուրքիային մեղադրում են սիրիացի գրոհայիններին աջակցելու, ինչպես նաև Թուրքիայի տարածքից նրանց գրոհները չկանխելու մեջ։
