Թուրքիայի Սոմա քաղաքում հանքահորի փլուզման հետևանքով զոհերի թիվը հասել է 299-ի։ Համապատասխան հայտարարությամբ է հանդես եկել Թուրքիայի էներգետիկայի ու բնական պաշարների նախարար Թաներ Յըլդըզը։
Ավելի վաղ նշվում էր 292 զոհերի մասին։
Նախարարի խոսքերով՝ գիշերը փրկարարները գտել են ևս 7 մարդու դիակ։
Հիշեցնենք, որ մայիսի 14-ին Թուրքիայում տեղի ունեցած պայթյունի հետևանքով փլուզվել է ածխահանքը։ Այդ պահին հանքահորում 787 հանքափոր է եղել։
