Ստամբուլում նախօրեին տեղի ունեցած բախումների հետևանքով տուժել է 98 մարդ, որոնցից 22-ը՝ ոստիկաններ են։ Այս մասին հաղորդում է Anadolu գործակալությունը՝ հղում կատարելով Ստամբուլի ոստիկանությանը։
15-ամյա Բերքին Էլվանի մահվանից հետո սկսված բախումները տարածվել են ամբողջ Թուրքիայի տարածքում։ Դրանք առավել թեժ են եղել պատանու թաղման օրը՝ մարտի 12-ին։
Հիշեցնենք, որ Գեզի պարկի համար նախորդ տարվա մայիսին սկսված բախումների ժամանակ զոհվել էր 5 մարդ։ Բերքինը դարձել էր 6-րդ զոհը, ով 9-ը ամիս գտնվում էր կոմայում։
