Առաջիկա օրերին հայտնի կդառնա Թուրքիայի կառավարության կոռուպցիոն այլ խախտումների վերաբերյալ։ Այս մասին ուրբաթ օրը հայտարարել է Թուրքիայի ժողովրդադեմոկրատական կուսակցության ղեկավար Քեմալ Քըլըչդարօղլուն։ Հաղորդում է Todayszaman-ը։
Քըլըչդարօղլուի խոսքերով՝ ժողովրդավարությունը Թուրքիայում գտնվում է լուրջ վտանգի տակ․ «Երկրում իշխանության բաժանման սկզբունքը խախտված է։ Վստահ եմ, որ առաջիկա օրերին մենք կիմանանք այլ կոռուպցիոն խախտումների մասին, որոնք թույլ է տվել այս կառավարությունը», — ասել է Քըլըչդարօղլուն։
Նա քննադատության է ենթարկել Թուրքիայի վարչապետ Թայիպ Էրդողանի այն հայտարարությունը, որի համաձայն՝ կառուպցիոն գործի բացումը նպատակ ուներ հարվածելու կառավարությանը․ «Փաստերը հստակ ցույց են տալիս, որ նախարարներն ու մի շարք այլ բարձրաստիճան պաշտոնյաներ ներգրավված են այս գործում»,- ասել է ընդդիմության առաջնորդը։
