Թունիսի կառավարությունը համաձայնել է հրաժարական տալ: Այս մասին հաղորդում է Reuters գործակալությունը:
Թունիսի իշխող «Ալ-Նահդա» (Վերածնունդ) չափավոր իսլամիստական կուսակցութան ներկայացուցիչները հայտարարել են, որ գործող կառավարությունը հրաժարականի մասին կհայտարարի հաջորդ շաբաթ, անմիջապես այն բանից հետո, երբ կլուծվեն արտահերթ ընտրությունների հետ կապված հարցերը:
Նույն աղբյուրը հիշեցնում է, որ Թունիսում աշխարհիկ ընդդիմադիր գործիչ Մուհամադ Բրահմիի սպանությունից հետո երկրում լարվածությունը պահպանվում է, ինչը գործող իշխանությունները փորձում են թուլացնել արտահերթ ընտրությունների միջոցով:
