«Թումո»-ի պարզաբանումը` կապված վարակված օտարերկրացու այցի հետ

Կորոնավիրուսով ախտահարված իտալացին վերջին մեկ շաբաթը եղել է «Թումո» ստեղծարար տեխնոլոգիանների կենտրոնի շենքի տարածքում:

Ճշտելու համար, թե օտարերկրյա քաղաքացին հնարավոր է արդյոք շփումներ ունեցած լինի կենտրոնի աշակերտների հետ , Araratnews.am-ը կապ հաստատեց կենտրոնի հաղորդակցության բաժնի աշխատակիցի հետ:

Վերջինս մանրամասներ ներկայացրեց , որոնք վկայում են, որ իտալասցի աշխատակիցը ոչ մի կապ չունի կենտրոնի հետ. « Շենքն ունի երկու մուտք: Այդ քաղաքացին շենք է մտել մյուս մուտքով, որը կապ չունի մեր կենտրոնի հետ: Վերջինս բարձրացել է շենքի վեցերորդ հարկ, որը վարձակալված տարածք է»,- ասաց «Թումո» կենտրոնի աշխատակիցը:

Հիշեցնենք, որ  Հայաստանում և Արցախում գործող «Թումո» կենտրոնները   կորոնավիրուսի պատճառով մինչև ապրիլի 12-ը փակ կլինեն:

Հայկ Մագոյան