Հոլիվուդյան անվանի դերասան Թոմ Հենքսը ամերիկյան հեռուստատեսությամբ հեռարձակվող Դևիդ Լեթերմանի շոուի ժամանակ հայտարարել է, որ հիվանդ է շաքարախտով։ Այս մասին հաղորդում է FoxNews-ը։
57-ամյա դերասանն ասել է, որ նման պաթոլոգիայի պատճառ է դարձել այն, որ ինքը մի քանի անգամ քաշ է հավաքել, այնուհետև նիհարել է։ Հենքսն ավելացրել է, որ շաքարախտով տառապում է արդեն 20 տարի։
Ավելի վաղ հայտնի է դարձել, որ Թոմ Հենքսը կրկին կմարմնավորի Ռոբերտ Լենգդոնին այս անգամ Դեն Բրաունի հիման վրա նկարահանվող նոր՝ «Ինֆերնո» ֆիլմում։
