Թեհրանում սպանվել է կիբերհարձակումների ծրագրի ղեկավարը

Թեհրանում իրականացված մահափորձի հետևանքով սպանվել է այդ երկրի ուժային կառույցներից մեկի ղեկավարն, ով պատասխանատու էր կիբերպատերազմների համար։ Այս մասին հաղորդում է The Daily Telegraph-ը։

Մոջթադա Ահմադիի մարմինը հայտնաբերվել է Քարաջ ավանում, որը գտնվում է Իրանի մայրաքաղաք Թեհրանից դեպի հյուսիս-արևմուտք։ Վերջին շրջանում Թեհրանում սպանվել են միջուկային ծրագրի մի շարք պատասխանատուներ։ Իրանն այդ սպանություններում մեղադրում է Իսրայելին։