Թբիլիսիի քաղաքապետ Գիգի Ուգուլավան, ով կոռուպցիոն քրեական գործի պատճառով ժամանակավորապես հեռացվել է զբաղեցրած պաշտոնից, ազատության մեջ կմնա շնորհիվ զոքանչի բնակարանի, որը կգրավադրվի նրա ազատության դիմաց։ Այս մասին հաղորդում է Interfax գործակալությունը։
Նման խնդրանքով երեկ Ուգուլավայի ներկայացուցիչները դիմել էին Վրաստանի գլխավոր դատախազություն։ Անցած տարվա դեկտեմբերին դատարանը մերժել էր դատախազությանը և ազատության մեջ էր թողել Ուգուլավային՝ սահմանելով 28 հազար դոլարին համարժեք գրավ։ Փաստորեն, Ուգուլավայի զոքանչը որոշել է օգնել իր փեսային՝ գրավադրելով սեփական մեկ սենյականոց բնակարանը։
Ուգուլավան մեղադրվում է պետական հիմնադրամներից 30 միլիոն դոլարին համարժեք գումար իշխանական կուսակցության անդամների վրա ծախսելու համար։
