Թայլանդում ընդդիմադիր ցուցարարները դեկտեմբերի 1-ի առավոտյան գրավել են երկրի պետական հեռուստատեսության շենքը, տեղեկացնում է Ռոյթերզը:
Ցուցարարները միաժամանակ շրջափակել են մի շարք կառավարական օբյեկտներ, այդ թվում, ՆԳՆ շենքը: Առավոտյան այնտեղ է գտնվել վարչապետ Յինգլակ Չինավատը, նա ստիպված է եղել անհապաղ հեռանալ շենքից:
Թայլանդում բողոքի զանգվածային ակցիաները սկսվել են նոյեմբերի 23-ին: Ցուցարարները պահանջում են վարչապետ Յինգլակ Չինավատի հրաժարականը, ով երկրի նախկին առաջնորդ Տակսին Չինավատի քույրն է: Ընդդիմությունը կարծում է, որ երկիրը դե ֆակտո նա է ղեկավարում:
