Թալիբան խմբավորման Աֆղանստանի Կունար նահանգի մասնաճյուղի ղեկավար Քարի Նասրուլլան, հայտարարել է, որ Աֆղանստանից միջազգային ուժերի դուրս բերումից հետո երկրում կստեղծվի իսլամական էմիրատ: Այս մասին հաղորդում է ITAR-TASS գործակալություն:
«Հենց արևմտյան զորքերը դուրս գան Աֆղանստանից՝ երկրում կվերականգնվեն հին կարգերը և կվերաստեղծվի Աֆղանստանի իսլամական էմիրատը», — ասել է Նասրուլլան: Նա նշել է, որ թալիբների առաջնորդ մուլա Մոհամադ Իմարը կվերադառնա Աֆղանստան, որպեսզի ստանձնի երկրի կառավարումը:
Հիշեցնենք, որ նախապես սահմանված ծրագրի համաձայն` 2014 թվականին միջազգային զորքերը դուրս են բերվելու Աֆղանստանից` անվտանգության ապահովումը վստահելով տեղի ծառայություններին:
