Թաիլանդի վարչապետի պաշտոնակատար Յինգլակ Չինավատը, ում հրաժարականի պահանջով Թաիլանդի քաղաքների փողոցներում շարունակվում են բողոքի ակցիաները, արցունքախառն աչքերով, դիմել է ցուցարարներին` խնդրելով դադարեցնել բողոքի ակցիաները: Այս մասին հաղորդում է ITAR-TASS գործակալությունը:
«Ես արդարություն եմ խնդրում: Չէ որ մենք արդեն զիջել ենք», — ասել է Չինավատը կառավարության այսօրվա նիստից հետո: Տեղեկացնենք, որ կառավարության նիստը տեղի է ունեցել Թաիլանդի բանակին պատկանող մասնաշենքում, քանի որ կառավարության շենքն արգելափակված է ցուցարարների կողմից:
Հիշեցնենք, որ երկարատև բողոքի ակցիաներից հետո որոշում է կայացվել Թաիլանդում անցկացնել արտահերթ խորհրդարանական ընտրություններ, որի արդյունքում կձևավորվի նոր կառավարություն:
