Թաիլանդում շարունակվում են հակակառավարական ցույցերը։ Կառավարության մոտ շարունակվող բախումներն այսօր անսպասելի դադարել են, քանի որ երկրի վարչապետ Յինգլա Չինավատը հայտարարել է, որ կբացի կառավարության դարպասները՝ հետագա արյունահեղությունից խուսափելու համար, սակայն գույքի վնասման ամբողջ պատասխանատվությունը կդրվի ցուցարարների վրա։ Այս մասին հաղորդում է RIA-Novosti գործակալությունը։
Ոստիկանությունն արդեն բացել է դարպասները՝ ներս թողնելով ցուցարարների մի մասին։ Սակայն կառավարության շենքից երկու կիլոմետր հեռավորության վրա առայժմ հնչում են կրակոցներ։
