Թաիլանդում հակակառավարական ցույցերի մասնակիցները պահանջել են կառավարությունից հրաժարական տալ 3 օրվա ընթացքում` սպառնալով կառավարության անդամներին ձերբակալություններով: Այս մասին հաղորդում է Associated Press գործակալությունը:
«Եթե վարչապետն ու կառավարության անդամները հրաժարական չտան երեք օրվա ընթացքում, մենք կձերբակալենք նրանց մեր ուժերով»,- հայտարարել է ընդդիմության առաջնորդ Սուտհեփ Տխիակսուբանը: Նշվում է նաև, որ այս պահին ընդդիմադիրներն արգելափակել են մի քանի նախարարությունների շենքերը, ինչպես նաև անջատել են էլեկտրամատակարարումն ու ջրամատակարարումը:
