Սիրիայի Ղուտա քաղաքում օգոստոսի 21-ին քիմիական հարձակումն իրականացրել է ընդդիմությունը, որը փորձել է հրահրել միջազգային ուժերի միջամտությունը Սիրիայի հակամարտությանը։ Այս մասին հայտարարել է ՄԱԿ-ում ՌԴ մշտական ներկայացուցիչ Վիտալի Չուրկինը՝ ելույթ ունենալով Գլխավոր Ասամբլեայում կազմակերպված խորհրդակցությանը։
«Ընդդիմությունն, ինչպես հայտնի է, միշտ ցանկացել է, որպեսզի լինի արտաքին միջամտություն։ Ինչպես գիտենք, Երկրորդ համաշխարհային պատերազմը նույնպես սկսվել է սադրանքից, այդպես էր նաև Վիետնամի պատերազմի, ինչպես նաև Սերբիայի ռմբակոծությունների դեպքում։ Այս դեպքում էլ կար սադրանք, սակայն շնորհիվ հայտնի նախաձեռնությունների՝ հնարավոր եղավ կանխել մեծ պատերազմը», — ասել է դիվանագետը։ Այս մասին հաղորդում է ITAR-TASS գործակալությունը։
