2020 թ. բյուջեի նախագծով ՀՀ շրջակա միջավայրի նախարարությանը հատկացվող ընդհանուր բյուջեն 6,9 մլրդ դրամ է, որից 1,6 մլրդը Գերմանական զարգացման բանկի կողմից դրամաշնորհի միջոցով տրված գումարն է: Այս մասին բյուջե-2020-ի քննարկման ժամանակ հայտարարել է շրջակա միջավայրի նախարար Էրիկ Գրիգորյանը:
Նախարարը տեղեկացրել է, որ գումարները կհատկացվեն ապարատի պահպանությանը, տեխնիկական վերազինմանը, բնության հատուկ պահպանվող տարածքներին:
Նրա խոսքով, նվազել են պետական պահպանության ապարատի ծախսերը, վառելիքի ու գործուղումների գումարները:
