Էջմիածնում կորոնավիրուսով վարակվածը գործարարի կին է, ով Իտալիա էր գնացել որդու հարսանիքի շորը բերելու

Էջմիածնի Paradise ռեստորանում մարտի 8-ին տեղի ունեցած նշանադրության արարողության մասնակիցներից մեկը վարակված է եղել կորոնավիրուսով։ 

ArmDaily.am-ին մանրամասներ են հայտնի դարձել։ Մեր տեղեկություններով ռեստորանում տեղի է ունեցել Էջմիածնում հայտնի գործարարներից մեկի որդու նշանադրության արարողությունը։

Կորոնավիրուսով վարակվածը գործարարի կինն է, ով Իտալիայից վերադարձել է փետրվարի վերջին։ Նա Իտալիա էր գնացել հարսանեկան զգեստը բերելու համար։ Այժմ մեկուսացված են նշանդրեքի բոլոր մասնակիցները՝ այդ թվում կնոջ ընտանիքի անդամները։

Մենք փորձեցինք կապ հաստատել ռեստորանի հետ, սակայն չհաջողվեց։