Այսօր խորհրդարանում լրագրողների հետ ճեպազրույցի ժամանակ «Լուսավոր Հայաստան» խմբակցության նախագահ Էդմոն Մարուքյանը խոսեց հայտնի միջադեպի մասին:
Որպես արդարացում ԼՀԿ ղեկավարն ասաց, որ իրենք էլ միս ու արյունից մարդիկ են, և երբեմն նյարդերը տեղի են տալիս, համբերության բաժակն է լցվում, և թույլ են տվել որոշակի վրիպումներ, որի համար ցավում են:
Մարուքյանն իր խոսքում ընդգծեց, որ քաղաքական հարցի տիրույթ են ներմուծվել անձնական բնույթի հարցեր, և խորհրդարանի ամբիոնում շահարկվել են անձնական հարցեր ու սրբություններ:
ԼՀԿ ղեկավարն ասաց, որ եթե իրենց կամ իրենց հետևորդների կողմից որևէ հայտարարություն սրբություններին վիրավորանք է ընկալվել` ինքը ներողություն է խնդրում:
Հայկ Մագոյան
