Իտալիայի ֆուտբոլի ֆեդերացիան Կլարենս Զեեդորֆին թույլատրել է մարզել «Միլանը» առանց մարզչական PRO արտոնագրի, որը նախատեսվում է համապատասխան կանոնակարգով։ Այսօր նման հաղորդագրություն է տարածել ակումբի մամուլի ծառայությունը։
Հիշեցնենք, որ երեկ հոլանդացի Կլարենս Զեեդորֆը 2.5 տարվա պայմանագիր է ստորագրել «Միլանի» հետ։ Իտալական ակումբում նա փոխարինել է պաշտոնանկ արված Մասիմիլիանո Ալեգրիին։
