Կառավարության մամուլի կենտրոնում մեկնարկել է ՀՀ էկոնոմիկայի նախարարի տեղակալներ Վարոս Սիմոնյանի և Ավագ Ավանեսյանի մամուլի ասուլիսը:
Թեմա` միջազգային համագործակցություն, տնտեսական գործունեության տեսակներ:
Ասուլիսի մեկնարկին Վարոս Սիմոնյանը հիշեցրեց, որ պարետի նոր որոշմամբ մի շարք տնտեսական աշխատանքներ կիրականցնեն իրենց գործունեությունը:
Ապա խոսեց նաև այլ տնտեսվարողների աշխատանքի անցնելու մասին.
«Այս պահի դրությամբ իրականացվում են աշխատանքներ, և կախված իրավիճակից՝ կարող են թույլատրվել նաև մի շարք այլ տնտեսական գործունեության տեսակների գործունեություն ևս: Տեքստիլ արտադրության աշխատանքները վերսկսվելու հարցը քննարկվում է և հնարավոր է, որ շուտով կաշխատեն նաև դրանք», — ասաց Վարոս Սիմոնյանը:
ՀՀ էկոնոմիկայի նախարարի տեղակալը ներկայացրեց նաև միջազգային դոնորների կողմից մեր երկրին տրվող աջակցությունը:
«Եվրամիության կողմից Հայաստանից կհատկացվի 92 միլիոն եվրո: Եվ այդ գումարները կուղղվեն Առողջապահության նախարարություն, առավել տուժած խմբերին, ինչպես նաև ՓՄՁ-ներին: Կա նաև ԵՄ-ի կողմից Արևելյան գործընկերության աջակցություն, որը կտեղաբաշխվի վեց երկրների մեջ, որով կմեղմացվի կորոնավիրուսի հասցրած տնտեսական վնասները»,- ընդգծեց նա:
Հայկ Մագոյան
