«Տրանսաէրո» ավիաընկերությունը հերքել է, որ Երևան-Մոսկվա ինքնաթիռը հրաշքով խուսափել է բախումից այլ ինքնաթիռների հետ Մոսկվայի «Վնուկովո» օդանավակայանին մոտենալիս: Այս մասին տեղեկությունները տարածել էին ռուսական որոշ լրատվամիջոցներ:
«Մոսկվայի Վնուկովո օդանավակայանում վայրէջք կատարելիս, ինքնաթիռը, որը վայրէք էր կատարում ավտոմատ ռեժիմով, օդանավակայանի նավիգացիոն համակարգի ոչ ճիշտ աշխատանքի հետևանքով օդանավը մի փոքր շեղվել է նշված ուղուց», — ասվում է «Տրանսաէրոյի» հայտարարության մեջ` նշելով, որ խոսքը որևէ այլ օդանավի հետ բախման մասին չէ:
