Երևանի քաղաքապետարանին առընթեր ստեղծվելու է «Շրջակա միջավայրի կանաչապատում և պահպանություն» ՊՈԱԿ-ը: Համապատասխան որոշումն ընդունվել է այսօր՝ դեկտեմբերի 16-ին, Երևանի ավագանու արտահերթ նիստում:
ՊՈԱԿ-ի ստեղծման համար նախատեսվում է հատկացնել 3 մլրդ 400 մլն դրամ:
Կառույցի հիմնական խնդիրն է լինելու՝ տնտեսել քաղաքապետարանի միջոցները, ինչպես նաև բարձրացնել վարչական շրջաններում կանաչապատման միջացառումների կառավարման արդյունավետությունը:
Բացի այդ, Երևանի փոխքաղաքապետ Հրաչյա Սարգսյանը մանրամասնել է, որ հատկացվելիք գումարի մեծ մասը տրամադրվելու է աշխատակիցների աշխատավարձը 2,5 անգամ բարձրացնելու նպատակով:
